SMART
Korleis kan smarte arbeidsklær forbetre sikkerheita til fiskarar? Kva slags teknologi kan hjelpe eldre til å klare seg lengre i eigen heim? Korleis kan ein liten satellitt bidra til å overvake skipstrafikken i norske farvatn? Det finst mange smarte forskingsprosjekt i Noreg som løser dagsaktuelle utfordringar og brukar framtidsretta teknologi. Her får du ein smakebit på nokre av dei.
SMART er ein filmserie om spennande teknologi- og forskingsprosjekt i realfag. Ein typisk film presenterer eit produkt, korleis produktet vart utvikla, og kva samfunnsnytte produktet har. Målgruppa for filmane er elevar, lærarar og allmennheita.
Filmane skal:
- vekke engasjement og nysgjerrighet og gi fagleg forståing i realfaglege tema
- gi innblikk i arbeidet ved forskingsinstitusjonar og bedrifter
- gjere undervisninga meir relevant og praksisnær
- vere rekrutteringstiltak for realfaglege yrke og studiar
- gi inspirasjon til elevane sine eigne prosjekt
Med filmserien ønskjer vi å vise aktuell og framtidsretta teknologi og forsking innan fagområde som for eksempel romfart, materialteknologi, nanoteknologi og velferdsteknologi.
Filmane og oppgåvene i SMART-serien er spesielt tilpassa faget teknologi- og forskingslære på vidaregåande skule. Men filmane er òg aktuelle for naturfag og valgfaga teknologi i praksis og forsking i praksis på ungdomstrinnet, naturfag Vg1, kjemi 1 og 2, biologi 1 og 2 og fysikk 1 og 2 i vidaregåande skule.