Lyssetting: Intervju ute og inne
Skal ein gjere eit intervju innandørs og ein ikkje har tilgang på eit stille rom, er det viktig å identifisere moglege støykjelder. Er det til dømes mogleg å slå av vifter og elektriske maskiner i forkant av opptaket?
Den mest grunnleggjande lyssettinga er den som blir kalla tre punkts lyssetting med hovudlys, baklys og fyll-lys. I denne filmen demonstrerar ein tre punkts lyssetting i intervjusituasjonar både inne og ute.
Hovudlyset er sterkast og er det lyset som gjev form. Det skal belyse den eine sida av intervjuobjektet sitt ansikt og rundt halvparten av den andre sida. Baklyset skaper djupne og skil intervjuobjektet frå bakgrunnen. Fyll-lyset er det svakaste lyset. Oppgåva til fyll-lyset er å lyse opp dei mørke partia og kontrollere kontrastane.
Kva gjer ein dersom ein ikkje har filmlampar tilgjengeleg? Då kan ein bruke naturlege lyskjelder, til dømes lyset frå vindauget, ein reflektor og ein heilt vanleg kontorlampe. Dette blir det gjeve eksempel på i filmen.