Landbruk

Klimaendringar råkar først dei som lever av jordbruk i marginale område. Filmen ser nærare på korleis klimaendringane påverkar bønder i Nepal og Nord-Noreg på liknande måtar. For desse bøndene er ikkje klimaendringar eit framtidsproblem – dei merkar det allereie no. Den globale oppvarminga påverkar avlingane og skapar stor usikkerheit. Uansett om dei er i Nepal eller Noreg, må bøndene finne ut kva slags landbruk dei skal satse på i framtida, når temperaturen held fram med å stige.